मित्रांनो आज एक अनोखी वेबसाईट पाहण्यात आली. या वेबसाईटचे नाव आहे Codeorgan. नाव जरा विचित्र आहे पण या नावाची फोड करुन पाहिले तर या साईटची कमाल लक्षात येईल. Code म्हणजे (HTML CODE) आणि Organ म्हणजे वाद्य.
लक्षात आलं का? ही वेबसाईट चक्क HTML Code पासुन संगीत तयार करते. कोडऑर्गनच्या मुख्य पानावर जाउन तेथे कोणत्याही वेबपेजची URL द्या आणि Play this website या बतणावर क्लिक करा. दीलेल्या वेबपेज पासुन संगीत तयार करण्यास काही सेकंद लागतील आणि त्यानंतर संगीत वाजु लागेल. (स्पीकर्स चालु ठेवायला विसरु नका.)
Codeorgan कसे काम करते ?
कोणत्याही वेबपेजमधील कोड (Html code) चा अ‍ॅनेलीसीस करुन त्यापासुन संगीत तयार केले जाते. यासाठी एक अतीशय गुंतागुंतीचे अल्गोरीदम असलेल्या सॉफ्टवेअरचा वापर केला जातो.
सर्वात आधी कोडऑर्गन HTML कोड स्कॅन करुन संगीत तालिके मधे (A to G) नसलेली अक्षरे काढुन टाकते. त्यानंतर उरलेल्या अक्षरांच्या मांडणीचा अभ्यास करुन त्या मांडणीच्या जवळपास जाणारी "नोट" शोधली जाते. एकुण अक्षरांच्या संख्येनुसार कोणता सिंथेसायझर वापरायचा ते देखील ही वेबसाईट ठरवते. संगीततालिकेतील अक्षरे आणि इतर अक्षरांच्या प्रमाणाअनुसार कोणता "ड्रम" वापरायचा ते ठरवीले जाते.
आणि या तीनही गोष्टींच्या सहाय्याने संगीताची एक धुन तयार केली जाते. ही असते तुम्ही दीलेल्या वेबसाईटची (किंवा ब्लॉगची) धुन.
संगीत आणि इंटरनेटचा असा सुंदर मिलाफ आणखी कोठे पहायला मिळेल? आताच Codeorgan ला भेट द्या आणि आपल्या आवडत्या वेबसाईट्सच्या संगीताचा आनंद घ्या.
0 comments:
Post a Comment