नेटभेट.कॉमचा नविन उपक्रम - सर्वोत्तम मोफत सॉफ्टवेअर्स

वाचक मित्रहो, आज आम्ही आपल्या समोर सादर करीत आहोत नेटभेट.कॉमचा एक अतीशय महत्त्वाकांक्षी उपक्रम. दैनंदीन संगणकीय वापरामध्ये आपण वेगवेगळे सॉफ्टवेअर्स वापरत असतो. इंटरनेट सर्फींगसाठी ब्राउजर्स, संगणकाच्या सुरक्षीततेसाठी अँटीवायरस सॉफ्टवेअर्स, गाणी आणि व्हीडीओज पाहण्यासाठी मीडीया प्लेअर्स, संगणकातील सर्व फाईल्स हाताळण्यासाठी फाईल मॅनेजर्स, चित्र आणि फोटो साठवण्यासाठी, एडीट करण्यासाठी पिक्चर एडीटर्स, संगणकातील महत्त्वाच्या माहितीचा बॅक-अप घेणारी अप्लिकेशन्स असे अनेक सॉफ्टवेअर्स आपण दररोज वापरत असतो. हल्ली एवढी सॉफ्टवेअर्स बाजारात आली आहेत की एखादे सॉफ्टवेअर आपल्याकडे नसेल तर ते ईंटरनेटवर शोधताना मात्र तारांबळ उडते. त्यातल्या त्यात मोफत सॉफ्टवेअर शोधण्याच्या नादात आपण भलत्याच साईट्स वरून सॉफ्टवेअर डाउनलोड करतो आणि त्याचसोबत व्हायरस आणि ट्रोजन्सच्या दुष्टचक्रात अडकतो. या सर्व व्यापातून नेटभेटच्या वाचकांची मुक्तता करण्यासाठी आम्ही या नविन उपक्रमाची सुरुवात केली आहे.

नेटभेटच्या या नविन उपक्रमाचे नाव आहे Best free softwares. ईंटरनेटवर मुशाफीरी करुन आम्ही आपल्यासाठी काही उत्तमोत्तम मोफत सॉफ्टवेअर्सची माहिती आणली आहे. केवळ माहिती नसून सॉफ्टवेअर्सची वर्गवार मांडणी आणि थेट डाउनलोड लिंकही देण्यात आली आहे. जेथे शक्य असेल तेथे सॉफ्टवेअर निर्मात्यांच्या मूळ वेबपानाची लिंक सुद्धा दिलेली आहे. या सॉफ्टवेअर्स विषयी अधिक माहिती मिळविण्यासाठी तुम्ही थेट या लिंक्सचा वापर करु शकता.

Best free softwares पाहण्यासाठी या http://freesoftwares.netbhet.com 

या संकेतस्थळावर उपलब्ध आहेत.

नेटभेट.कॉम असताना आणखी एका साईटची गरज काय ?

नेटभेट.कॉम वर आम्ही सॉफ्टवेअर्सची माहिती देऊ शकलो असतो मात्र तसे न करता आम्ही यासाठी एक स्वतंत्र साईट बनविली. याचे मुख्य कारण म्हणजे नेटभेट.कॉम वर आम्ही कोणत्याही सॉफ्टवेअरची सखोल माहिती देण्याचा प्रयत्न करतो. त्यामुळे खुप कमी सॉफ्टवेअर्सची माहिती तुमच्यापर्यंत नेटभेट.कॉम मार्फत पोहोचत होती. Best free softwares मध्ये सॉफ्टवेअर्सची मराठीत तोंडओळख आणि खात्रीशीर डाउनलोड लिंक आहे. बर्‍याचशा सॉफ्टवेअर्सच्या वापरासाठी जास्त माहितीची गरज नसते अशा सॉफ्टवेअर्सची माहिती नेटभेटच्या मूळ साईटवर देता आली नसती मात्र Best free softwares अशा अनेक सॉफ्टवेअर्सची थोडक्यात माहिती उपलब्ध करुन देण्यात आली आहे.

सध्या येथे ७५ मोफत सॉफ्टवेअर्सची माहिती उपलब्ध आहे. आणि या वर्षाअखेरीस सुमारे २०० आणखी सॉफ्टवेअर्स Best free softwares मध्ये पहायला मिळतील. एवढया सॉफ्टवेअर्सची मराठी मध्ये माहिती उपलब्ध करुन देणारी नेटभेट ही पहिलीच साईट आहे याचा आम्हाला आनंद वाटतो.

Best free softwares मध्ये फक्त दोन गोष्टींवर आम्ही भर दिला आहे -
१. उत्तमोत्तम मोफत सॉफ्टवेअर्स
२. संपुर्णपणे सुरक्षीत (व्हायरस फ्री) डाउनलोड लिंक

नेटभेटच्या इतर अनेक उपयोगी प्रकल्पांप्रमाणेच Best free softwares हा आमचा उपक्रम देखिल वाचकांना आवडेल अशी आम्हाला खात्री आहे. हा उपक्रम अधिकाधिक लोकांपर्यंत पोहोचवण्यास आपण आम्हाला मदत कराल अशी अपेक्षा.
नेटभेटचा हा उपक्रम अधिकाधिक उपयोगी व्हावा यासाठी आपल्या सुचना व प्रतीक्रीया आम्हाला अवश्य कळवा.

धन्यवाद.

टीम नेटभेट

Get NETBHET straight in your inbox / आता नेटभेट मिळवा थेट इमेल द्वारे
Enter your email address / खालील रकान्यात तुमचा इमेल पत्ता द्या.